سورۃ العلق

بِسۡمِ اللّٰہِ الرَّحۡمٰنِ الرَّحِیۡمِ

شروع اللہ کے نام سے جو بڑا مہربان نہایت رحم والا ہے

اِقۡرَاۡ بِاسۡمِ رَبِّکَ الَّذِیۡ خَلَقَ ۚ﴿۱﴾

اے نبی ﷺ اپنے پروردگار کا نام لے کر پڑھو جس نے تمام کائنات کو پیدا کیا۔

خَلَقَ الۡاِنۡسَانَ مِنۡ عَلَقٍ ۚ﴿۲﴾

جس نے انسان کو خون کی پھٹکی سے بنایا۔

اِقۡرَاۡ وَ رَبُّکَ الۡاَکۡرَمُ ۙ﴿۳﴾

پڑھو اور تمہارا پروردگار بڑا کریم ہے۔

الَّذِیۡ عَلَّمَ بِالۡقَلَمِ ۙ﴿۴﴾

جس نے قلم کے ذریعے سے علم سکھایا۔

عَلَّمَ الۡاِنۡسَانَ مَا لَمۡ یَعۡلَمۡ ؕ﴿۵﴾

اور انسان کو وہ باتیں سکھائیں جن کا اسکو علم نہ تھا۔

کَلَّاۤ اِنَّ الۡاِنۡسَانَ لَیَطۡغٰۤی ۙ﴿۶﴾

مگر انسان سرکش ہو جاتا ہے۔

اَنۡ رَّاٰہُ اسۡتَغۡنٰی ﴿ؕ۷﴾

اس بناء پر کہ وہ اپنے آپکو بے نیاز سمجھتا ہے۔

اِنَّ اِلٰی رَبِّکَ الرُّجۡعٰی ؕ﴿۸﴾

کچھ شک نہیں کہ سب کو تمہارے پروردگار ہی کی طرف لوٹ کر جانا ہے۔

اَرَءَیۡتَ الَّذِیۡ یَنۡہٰی ۙ﴿۹﴾

کیا تم نے اس شخص کو دیکھا جو منع کرتا ہے۔

عَبۡدًا اِذَا صَلّٰی ﴿ؕ۱۰﴾

یعنی ایک بندے کو جب وہ نماز پڑھنے لگتا ہے۔

اَرَءَیۡتَ اِنۡ کَانَ عَلَی الۡہُدٰۤی ﴿ۙ۱۱﴾

بھلا دیکھو تو اگر یہ راہ راست پر ہو۔

اَوۡ اَمَرَ بِالتَّقۡوٰی ﴿ؕ۱۲﴾

یا پرہیزگاری کا حکم کرے تو منع کرنا کیسا۔

اَرَءَیۡتَ اِنۡ کَذَّبَ وَ تَوَلّٰی ﴿ؕ۱۳﴾

تو اس کا انجام کیا ہو گا ذرا دیکھو تو اگر اس نے دین حق کو جھٹلایا اور اس سے منہ موڑا۔

اَلَمۡ یَعۡلَمۡ بِاَنَّ اللّٰہَ یَرٰی ﴿ؕ۱۴﴾

کیا اسکو معلوم نہیں کہ اللہ دیکھ رہا ہے۔

کَلَّا لَئِنۡ لَّمۡ یَنۡتَہِ ۬ۙ لَنَسۡفَعًۢا بِالنَّاصِیَۃِ ﴿ۙ۱۵﴾

دیکھو اگر وہ باز نہ آئے گا تو ہم اسکی پیشانی کے بال پکڑ کر گھسیٹیں گے۔

نَاصِیَۃٍ کَاذِبَۃٍ خَاطِئَۃٍ ﴿ۚ۱۶﴾

یعنی اس جھوٹے خطارکار کی پیشانی کے بال۔

فَلۡیَدۡعُ نَادِیَہٗ ﴿ۙ۱۷﴾

تو وہ اپنے یاران مجلس کو بلا لے۔

سَنَدۡعُ الزَّبَانِیَۃَ ﴿ۙ۱۸﴾

ہم بھی دوزخ کے فرشتوں کو بلائیں گے۔

کَلَّا ؕ لَا تُطِعۡہُ وَ اسۡجُدۡ وَ اقۡتَرِبۡ ﴿٪ٛ۱۹﴾٪۱

دیکھو اس کا کہا نہ ماننا اور سجدہ کرنا اور اللہ کا قرب حاصل کرتے رہنا۔