سورۃ الاعلٰی ۔ مع اردو ترجمہ

سورۃ الاعلٰی

سورۃ الاعلٰی مع اردو ترجمہ۔ سورہ اعلی مکی سورہ ہے جو کہ ۱۹ آیات پر مشتمل ہے۔ ترجمہ: مولانا فتح محمد جالندھری

Play Audio

Download MP3

بِسۡمِ اللّٰہِ الرَّحۡمٰنِ الرَّحِیۡمِ

شروع اللہ کے نام سے جو بڑا مہربان نہایت رحم والا ہے

سَبِّحِ اسۡمَ رَبِّکَ الۡاَعۡلَی ۙ﴿۱﴾

اے پیغمبر ﷺ اپنے پروردگار عالی شان کے نام کی تسبیح کرو۔

الَّذِیۡ خَلَقَ فَسَوّٰی ۪ۙ﴿۲﴾

جس نے انسان کو بنایا پھر اسکے اعضاء کو درست کیا۔

وَ الَّذِیۡ قَدَّرَ فَہَدٰی ۪ۙ﴿۳﴾

اور جس نے اس کا اندازہ ٹھہرایا پھر اسکو رستہ بتایا۔

وَ الَّذِیۡۤ اَخۡرَجَ الۡمَرۡعٰی ۪ۙ﴿۴﴾

اور جس نے چارہ اگایا۔

فَجَعَلَہٗ غُثَآءً اَحۡوٰی ؕ﴿۵﴾

پھر اسکو سیاہ رنگ کا کوڑا کر دیا۔

سَنُقۡرِئُکَ فَلَا تَنۡسٰۤی ۙ﴿۶﴾

اے نبی ﷺ ہم تمہیں پڑھا دیں گے پھر تم فراموش نہ کرو گے۔

اِلَّا مَا شَآءَ اللّٰہُ ؕ اِنَّہٗ یَعۡلَمُ الۡجَہۡرَ وَ مَا یَخۡفٰی ؕ﴿۷﴾

مگر جو اللہ چاہے۔ وہ کھلی بات کو بھی جانتا ہے اور چھپی کو بھی۔

وَ نُیَسِّرُکَ لِلۡیُسۡرٰی ۚ﴿ۖ۸﴾

اور ہم تمکو آسان طریقے کی توفیق دیں گے۔

فَذَکِّرۡ اِنۡ نَّفَعَتِ الذِّکۡرٰی ؕ﴿۹﴾

سو جہاں تک نصیحت کے نافع ہونے کی امید ہو نصیحت کرتے رہو۔

سَیَذَّکَّرُ مَنۡ یَّخۡشٰی ﴿ۙ۱۰﴾

جو خوف رکھتا ہے وہ تو نصیحت حاصل کرے گا۔

وَ یَتَجَنَّبُہَا الۡاَشۡقَی ﴿ۙ۱۱﴾

اور بے خوف بدبخت اس سے کترائے گا۔

الَّذِیۡ یَصۡلَی النَّارَ الۡکُبۡرٰی ﴿ۚ۱۲﴾

جو بڑی تیز آگ میں داخل ہو گا۔

ثُمَّ لَا یَمُوۡتُ فِیۡہَا وَ لَا یَحۡیٰی ﴿ؕ۱۳﴾

پھر وہاں نہ مرے گا اور نہ جئے گا۔

قَدۡ اَفۡلَحَ مَنۡ تَزَکّٰی ﴿ۙ۱۴﴾

بیشک وہ مراد کو پہنچ گیا جو پاک ہوا۔

وَ ذَکَرَ اسۡمَ رَبِّہٖ فَصَلّٰی ﴿ؕ۱۵﴾

اور اپنے پروردگار کا نام لیتا رہا اور نماز پڑھتا رہا۔

بَلۡ تُؤۡثِرُوۡنَ الۡحَیٰوۃَ الدُّنۡیَا ﴿۫ۖ۱۶﴾

بات یہ ہے کہ تم لوگ تو دنیا کی زندگی کو ترجیح دیتے ہو۔

وَ الۡاٰخِرَۃُ خَیۡرٌ وَّ اَبۡقٰی ﴿ؕ۱۷﴾

حالانکہ آخرت بہت بہتر اور ہمیشہ باقی رہنے والی ہے۔

اِنَّ ہٰذَا لَفِی الصُّحُفِ الۡاُوۡلٰی ﴿ۙ۱۸﴾

یہی بات پہلے صحیفوں میں بھی درج ہے۔

صُحُفِ اِبۡرٰہِیۡمَ وَ مُوۡسٰی ﴿٪۱۹﴾٪۱

یعنی ابراہیم اور موسٰی کے صحیفوں میں۔

سورۃ الطارق سورۃ الغاشیۃ